Ұстаздар мерекесі

Елімізде жыл сайын қазан айының алғашқы жексенбісінде тойланатын "Ұстаздар күні" мерекесі Төле би атындағы орта мектебінде жоғары деңгейде аталып өтілді.  «Ұстаз деген жарқын күні ғаламның» тақырыбында өткен  салтанатты іс-шара ны мектеп басшысы А.Т.Джангарашева құттықтау сөзімен ашып, елімізде білім саласына мемлекет тарапынан барынша қолдау көрсетіліп отырғанын, ұстазынан озар шәкірттерінің көбейе беретініне сенімді екенін жеткізді. Салтанатты шара 11 сынып  оқушыларының ұйымдастыруымен ән – сазды бағдарламасымен жалғасын тапты. Сондай -ақ, мерекелік концертке  қазіргі таңда түрлі сала маманы атанып, тұлға болып қалыптасқан түлектер келіп, аяулы ұстаздарына тосын сый жасады. Ізгі тілектерін білдіріп, гүл шоқтарын сыйлады! Ал келе алмаған түлектердің тілегін видеоқұттықтау арқылы тамашалады!Бағдарлама барысында мектеп оқушылары өздерінің шығармашылық өнерлерін көрсетіп, ұстаздарға және ардагер ұстаздарға арналған жылы тілектері мен алғыстарын білдірді. Іс – шараның соңында, оқушылар хор арнап, гүл шоқтарын сыйлады.