"Балдырған" жазғы сауықтыру лагері

Шу қаласы Төле би атындағы орта мектебінің "Балдырған" атты жазғы сауықтыру орталығы 11.02.2021жылы өз маусымын аяқтады. Жазғы лагерьде 10 күннің ішінде 75 оқушы демалыс уақытын өте қызықты деңгейде өткізді. Орталықта спорттық секциялар, өнер үйірмелері, мәдени-интеллектуалды даму клубы, психологиялық көмек беру алаңы  жоспар бойынша жұмыстарын толық атқарды. Би өнері, вокал өнері, футбол, шахмат, тоғыз құмалақ, сурет салу үйірмелерінің жетекшілері көптеген жарыстар ұйымдастырып жеңімпаздарды марапаттады. Балаларымыз демалыс кезінде қала сабағына, шағын бақтар мен шалғын орындарға жиі шығып табиғатпен сұхбаттасуға мүмкіндік алды. Мектеп асханасы 30 аз қамтылған отбасынан шыққан оқушыларды әртүрлі нәрлі ыстық тағамдармен тамақтандырып тұрды. Балалар мен ата-аналардың көңіл-күйлері көтеріңкі болып, тәрбиешілерге, үйірме жетекшілеріне, спорт бапкерлеріне ризашылығын білдірді. Келесі жазда кездескенше қош бол "Балдырған" сауықтыру орталығы.