«Әжелер мектебі»

Шу қаласы Төле би атындағы орта мектебінде  «Әжелер мектебі» тақырыбында 3- сынып оқушыларының әжелерімен іс-шара өтті.

     Іс-шараның мақсаты-оқушыларды  ұлттық  салт-дәстүрге баулу, әдет-ғұрыптарын бойға сіңіру, үлкенді сыйлауға тәрбиелеу.

     Іс-шара барысында ардақты әжелеріміз балаларға өнегелі әңгімелер айтып, құрақ-көрпе құраудың қыр-сырларын үйретіп, ою-өрнектің шығу тарихын түсіндіре отырып, құрақ-көрпе бұйымының жасалу жолын көрсетті.

   Бірі немересіне ұршық иіруді үйретсе,бір әжеміз ертегі айтып немерелерін табандылыққа,қайсарлыққа шыңдады,тағы бір әжеміз бауырсақ  пісірудің қыр- сырын үйретті.

   Оқушылар сұрақтар қойып, белсенді қатысып,өз ойларымен бөлісті.Іс -шара оқушыларға жақсы әсер қалдырып,ұлттық құндылықтарды құрметтеуге үйретті.