"Қыз Жібек" клубы

Шу қаласы, Төле би атындағы орта мектебінде тәрбие жоспарына және  «Қыз Жібек» қыздар клубының жұмыс жоспарына сәйкес, медицина мамандарымен кездесу ұйымдастырылды. Кездесуге қалалық емхананың акушер- – гинекологы Г.Қ.Жақсыбаева,  Шу аудандық жастар репродуктивті оралығының меңгерушісі  Е.А.Оспанова, қалалық әкімшіліктің бас маманы Н.Дильдан мен  8-сынып қыз балалары қатысты. Кездесуде қыз балаларға «Ерте жастағы жүктіліктің алдын-алу» тақырыбында дәріс оқылды. Гинеколог Гүлсім Қалдарбекқызы  қыз балаланың ағзасындағы өзгерістер туралы, жасөспірімдер арасындағы жұқпалы аурулардың алдын-алу, ерте жастағы жүктілік пен жеке гигиенаны сақтаудың маңыздылығын ерекше атап өтті.  Есен Алмешқызы қыз балалармен аталған тақырыпта ашық әңгімелесіп, қойған сұрақтарына жауап берді. Әйелдер қауымының денсаулығы - бұл біздің ұлтымыздың болашағы. Жас ұрпақтың болашағы үшін осындай тақырыптағы іс-шараларды белсенді түрде жиі өткізіп, жастар арасында насихаттауымыз қажет екені айтылды. Дәріс соңында қыз балалар тарапынан қойылған сұрақтарға жауап беріліп, қызықты бейнематериалдар көрсетілді.