Білім күні

Төле би атындағы орта мектебінде 1 қыркүйек – Білім күніне орай «Мектебім – мейірім мекені» тақырыбында салтанатты жиын өтті. Салтанатты жиынға Шу қаласының әкімі Нұралиев Елдос Бекболатұлы, Шу қаласының құрметті азаматы Тұрғынбаев Бақытжан Мұхамеджанұлы, «Үркер» мектебінің директоры Қозыкөрпешова Жумакуль Каракуловна, ардагер ұстаздарымыз бен ата аналар қатысты. Мектеп директоры мен Шу қаласы әкімі Елдос Бекболатұлы мектеп табалдырығын аттаған жас бүлдіршіндерге ізгі тілектерін білдірді.  

     Сондай-ақ, мектебіміз үшін көптен күткен мектебіміздің атауы берілген ұлы тұлға Төле би Әлібекұлының ескерткіші мектебіміздің іргесіне орнатылып, сол ескерткіштің салтанатты ашылуы Білім күнімен тұспа тұс келіп тұр. Тәуке, Болат, Әбілмәмбет, Жолбарыс, Абылай хандар тұсында мемлекет құрудың басында болған аса ірі қайраткер, дала демократиясының данышпаны, әз-Тәуке құрған билер кеңесінің мүшесі, атақты шешен, “Жеті жарғы”деп аталатын заңдар кодексін шығарушылардың бірі – Төле би Әлібекұлының ескерткішін Елдос Бекболатұлы мен Шу ауданының құрметті азаматы Бақытжан Мұхамеджанұлы салтанатты түрде ашты. Осы Төле би бабамыздың құтты орнына отыруына атсалысқан қала әкімі Елдос Бекболатұлына, аудан әкімінің орынбасары Найман Кенжехановичке, АББ басшысы Тұрар Мұхаметхановичке, «Патриоттар» қоғамының төрайымы Ғалия Әділқызына, Қазақстан журналистер одағының мүшесі Жұмахан Төлеуұлына мектеп ұжымы атынан алғысымызды білдіреміз.