«Әке – отбасы тірегі» атты дөңгелек үстел

Мектебімізде тек 8-сынып оқушыларының әкелерінің қатысуымен «Әке – отбасы тірегі» тақырыбында дөңгелек үстел ұйымдастырылды.

Іс-шараның негізгі мақсаты – әкенің отбасындағы және бала тәрбиесіндегі рөлін арттыру, жауапкершілік пен өнегені дәріптеу, сондай-ақ әкелер арасында тәжірибе алмасуға мүмкіндік жасау.

Кездесу барысында қатысушы әкелер бала тәрбиесіндегі өз ұстанымдары, отбасындағы қарым-қатынас, баламен тіл табысу, қолдау көрсету мен үлгі болудың маңызы жөнінде ой бөлісті. Әкелер арасында ашық пікір алмасу жүргізіліп, тәрбиенің өзекті мәселелері талқыланды.

Дөңгелек үстелді 8-сынып жетекшілері

Балмағанбетова Дана және Данышбай Балауса ұйымдастырды.

Іс-шара әкелердің тәрбиелік жауапкершілігін арттыруға бағытталған мазмұнды әрі тағылымды кездесуге ұласты.