«Тәртіп – тәрбиенің бастауы» тақырыбында кездесу

Мектебімізде 10-сынып оқушыларымен «Тәртіп – тәрбиенің бастауы» тақырыбында маңызды кездесу ұйымдастырылды. Кездесудің қонағы – зейнеткер, заң саласында ұзақ жылдар қызмет атқарған Хаджиев Таджир, мектеп директоры Ардақ Толепбаевна, ДТІЖО Айнур Жомартхановна мен Индира Абдумаликовна қатысты. 

Кездесу барысында Хаджиев Таджир оқушыларға заң мен тәртіптің қоғамдағы маңызы, жасөспірімдер арасындағы құқық бұзушылықтың алдын алу, жауапкершілік пен адамгершілік құндылықтары туралы тағылымды ойларымен бөлісті. Өмірлік тәжірибесінен нақты мысалдар келтіріп, жасөспірімдерді тәртіпті, саналы азамат болуға шақырды.

Оқушылар өздерін толғандырған сұрақтарын қойып, пайдалы кеңестер алды. Кездесу жас ұрпақтың құқықтық сауаттылығын арттырып, тәртіп пен тәрбиенің ажырамас ұғым екенін түсінуге үлкен ықпал етті.

Осындай мазмұнды кездесулер алдағы уақытта да өз жалғасын табады.