Асхананың санитарлық жағдайына бақылау – ашық есік күні 🍽

Мектебімізде асхананың санитарлық жағдайын бақылау мақсатында ашық есік күні өткізілді. Іс-шараға ата-аналар қатысып, мектеп асханасының жұмысымен танысуға мүмкіндік алды.

Ашық есік барысында асхананың тазалығы, азық-түліктердің сақтау талаптары, жарамдылық мерзімдері, санитарлық нормалардың сақталуы назарға алынды. Ата-аналар ас әзірлеу процесін бақылап, қойылған сұрақтарына нақты жауап алды.

Сонымен қатар ата-аналар өз пікірлерін білдіріп, ұсыныстарын пікірлер мен ұсыныстар журналына жазып қалдырды. Бұл өз кезегінде мектеп пен ата-ана арасындағы ашықтықты арттырып, сапаны одан әрі жақсартуға мүмкіндік береді.

Шараны әлеуметтік педагог Ашимбекова ұйымдастырды. Мұндай бірлескен бақылау жұмыстары балалардың қауіпсіз әрі сапалы тамақтануына жағдай жасап, сенімді ынтымақтастықты нығайтады.

 Бала денсаулығы – басты назарда!