«қазақ тілі мен әдебиеті» пәндері айлығының ашылу салтанаты

Төле би атындағы орта мектебінде қазанның 3-і күні «қазақ тілі мен әдебиеті» пәндері айлығының ашылу  салтанаты "қазақ тілі мен әдебиеті пән мұғалімдерінің кәсіби құзіреттілігін дамытудың жолдары" тақырыбында өткізілді. 

Мақсаты: «Қазақ тілі мен әдебиеті пән мұғалімдерінің кәсіби құзіреттілігін дамытудың тиімді жолдарын ұсыну»

  Аталған мақсат, міндет барысында қазақ тілі мен әдебиеті пән айлығы концерттік бағдарламамен ашылды. Мектебеміздің директоры  Джангарашева Ардақ Төлепбаевна оқушылар мен ұстаздарға құттықтау сөз сөйлеп, айлыққа сәттілік тіледі. Ашылу барысында биылғы жылмен тұспа тұс келген  әдебиетіміздің көрнекті өкілдері: Ж.Нәжімеденовтің туғанына 100 жыл,  М. Әуезовке 125 жыл, Қаз дауысты Қазыбек биге 355 жыл, Д.Бабатайұлына 220 жыл, Ә.Найманбайұлына 155 жыл, Ғ.Мұстафин мен Ғ.Мүсіреповке 120 жыл, сонымен қатар Д.Қонаев пен Ж.Сайнға 110 жылдық мерейтойлары тойланғалы отыр. Қазақ тілінің атасы, әдебиетіміздің негізін қалаған, бес арыстың бірі Ахмет Байтұрсынұлы 150 жылға  толуына орай  10-11 сыныптың «Жас Ахметтанушылары»  Ахмет Байтұрсыновқа арнау өлеңдерін жатқа айтты.